قطعت الوصل يا حلو السجايا=ولا ادرى وش علامك ما تجيني
طويت رشاك ثر عن ورد مايا=وصرت اتخوز عن دربي وعيني
تخليني ادوّي من ظمايا=على البيبان مهجور حزيني
اخاف اسباب صدك م الوشايا=كثير الناس فيهم غادريني
إذا لك في هوى غيري بغايا=انا ما تبع هوى اللى ما يبيني
ولا اجبر نفس ما تبغي هوايا=ولا ترضى سلوم الطيبينى
حبيبي زورني واجبر عزايا=وخل الواشى فى غيظه دفيني
عذابي طال منك واعنايا=وصبري قد نفذ وين المعيني
عسى الله فيك يا صل لى رجايا=ونصبح في هوانا مهتنيني
ونسعد فى المحبة يا منايا=بجو خالى م الحاسديني
عليك اغار من ريح الصبايا=اذا لفك من ايسار ويميني
ومن كاسك على لمس الشفايا=ومن شيلك على لمس الجبيني
ودادك لدني لد الظمايا=وغير حالتى يا نور عيني
جعلك الله حلمي والروايا=وفي دربي خيالك لي قريني
وفى عيني عزلك امن البرايا=بكل اوصاف من طبع وزيني
عديم فى المداين والقرايا=شراتك من جميع العالميني
تجر الروح بعيون دعايا=وخدٍ كالقمر ساعة يبيني
شعلت النار فى باطن حشايا=تعذبني وقلبلك مايلينى
الا يا عاذليني فى هوايا=انا ما سمع لكم يا عاذليني
طريق الحب بالني بلايا=ومكتوب على صفحة جبيني