انا ونيت ونات الكسير=كسير ما تجبر "م" الكسور
من الليعات والهم الكثير=وشي ما تقاويه الصدور
بدعت أمثال من قاصي الضمير=ولب الجوف من حره يفور
مسحت الدمع عن كثر القطير=وزاد الدمع فى كثر العبور
على من حط لى جرح خطير=دريك من صوابه وامخطور
صوابي من هوى طفل صغير=نعيم الطرف مهضوم الخصور
نظرته يوم فى وقت العصير=وهو بيني وما بينه خدور
بدا بوجهٍ كما البدر المنير=يلي من بان وانشا منه نور
ونحرمثلما الطرس النظير=جديد فيه ما خطت سطور
وعين ما يقربها البصير=تجذ القلب لوهو "م" الصخور
نهض من مقعده واقبل يسير=يزاغبه الهوى طرب دجور
بعودٍ لاطويل ولاقصير=على متنه مياديله احدور
وقفت آنا قباله كالأسير=ومما شفت قفت بي الشعور
جمالٍ ما هقيت انه يصير=ولا ظنيت به فى ذا العصور
نوى قتلي وانا منه استجير=وهو قلبه على قتلي جسور
عزيت ولن مالي من يجير=ولا من كان فى حقي يثور
وليفي عال بي وهو خبير=بحقى عال وشهودي حضور
طلبت العفو قال انا بصير=حفظت الحال ما قال معذور
ووسمني على الضلع القصير=وطاوعته على ما راد زور
جزاه الله على فعله بخير=ولو هو ملحق حالي قصور
سلامي له عدد ماناح طير=وعلى عد الليالي والشهور
سلام كان من عبر الاثير=واشواق تحاكيها الزهور
انا مانا على بعده بخير=ولا قلبي على بعده صبور
طلبتك يا سميع ويا بصير=إلهي انت للمذنب غفور
توفق من غدى امره عسير=وشف له حالة منها دبور