حمام ناح فى نومي سمعته=يجر الصوت فى عالى المبانى
شغلني خاطري والنوم عفته=سهرت الليل لين الصبح بانى
يخيل القلب محبوب عرفته=زريف الطول ممدوح المعاني
ألا ياليت يا بوسيف شفته=كفى ما تلومني مما بلاني
قهرت القلب فى صبره قهرته=ولكن المطوعه ما عطاني
غلبني كادني وآخر عذرته=بلى الله بالمحبه من بلاني
نزفت الدمع من موقي نزفته=بلا علمي ولا رديت شاني
انا ما كل مافي الوقت خفته=سوى الله العظيم وحب جاني
شربت المر من كاسه شربته=مرير مثل ذوق الحنظلاني
ألا يا من على غيره رفعته=ولو للغير من قدر وشانى
ترى كل الجمال انته جمعته=ولا خليت قسم الحد ثاني
شعاع البدر فى وجهك نظرته=وفارس عينك القاتل غزاني
لك الغفران في حي قتلته=يسامحك الكريم عظيم شاني