الليل جا بأغلاسه=وجاب العظايم لي
يوم تغضي الرماسه=اللايم قام لي
قولي عناه وداسه=ولا امهل لين اكملي
والخامل ووسواسه=من طاعة يخملي
والغربي النسناسه=لو دايم تهملي
العشب زان أطعاسه=وبتفلي الهملي
ما صليت بنجاسه=على الله يا عملي
ثوبي واعرف قياسه=رفيع وململي
لو تبغي العساسه=تطبع محملي
عندي فكر ودراسه=أجنب لو أشملي
وكيف اشكي التفلاسه=وقماشي يمخملي
الثوب من لباسه=يبقى أو يسملي
والانسان من جلاسه =يهون ويصملي
المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري
محرك البحث
عدد قراء القصيدة : 
تاريخ الإضافة : 
