يا طايره طايره فى الجو شليني=مادام مقصدك صوب اهلي وخلاني
انا اترجاك وانتي لا تخليني=أحب داري ولا دار البريطاني
يا ماحلا خاطري يوم توديني=واشوف بيتي وخلاني وبزراني
هم يرتجوني كما رجوى الطراشينى=والطفل لي جيتهم قال اللبو جاني
اصغارهم ترتجينى قبل ذا الحيني=وانا لهم مرتجي والقلب ولهاني
غريب ديرة وسيعة بالبساتيني=حلوة مناظر لها ماني بطرباني
ابغي الصبر لكن الاشواق تشويني=صوب المحبين لا أول ولا ثاني