وين أرضي من سمايه=ان صد بي مضنون
وان صد لي برضايه=ما شوف دونه دون
زاد بحري بالمايه=وانا ارتجيه يهون
وش لك معي من الحايه=يا الحاسد الملعون
ما فيك غير سوايه=وان عاهدوك تخون
بيحت لي بقصايه=وادعيتني ممحون
صابر واكتم وزايه=وبان الصبر في اللون
وود بليا غايه=ما فيه غير الهون
وغزال الهوى نسايه=لزم يتم مغبون
وسوق بلا شرايه=ما فيه ربح يكون
ولو بنعطى بمنوايه=ع وصولكم ممنون
وشوفك بقلبي صرايه=وأرق نظر لعيون




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري