البارحة يا سعيدي=بت بو قايد هم
بايت حالي جهيدي=ذاب الحشا وانسم
من عوق يستزيدي=من كل صوب التم
لو هو صاب الحديدي=ذابه وبرح اقسم
عيني تخص بعيدي=سحاب مرتكم
قال الرايد وكيدي=أسقى الأراضي وعم
واظهر عشب جديدي=نبته يثور زمم
عليا خذت بو زيدي=من قبلهم واهتم
وخلت عزيز وحيدي=وين أومت به عزم
ادعى ركاب تبيدي=في موته وحمم
لين ادعاهن جريدي=مردومات الشحم
وكم شيطان مريدي=دسته دوس القدم
دسته يلين يبيدي=لين يعبر ويرم
ونعمين نسل وعيدي=بأولاد خال وعم
فيهم بان الفقيدي=يوم الورد احتكم
ودر عنك الهبيدي=لي ما جلوه الهم




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري