شهر بدى بفراقه .. لا حله .. ليته قصر ما هل
سرت انشد م الشفاقه .. محله .. لو في الظعون إشتل
قلبي نكس بأعواقه .. وأدوله .. قفوا به بالعجل
تالي حشايه باقه .. هنوى له .. بما فيه فعل
بآدن له خفاقه .. تدله .. وتنصاه وين يحل
على البعد لحاقه .. منسله .. ما نيخت للحمل
معها الوعر دقداقه .. والحله .. واللي فيها نزل
بي من طالت أعناقه .. عين له .. سوداء هدبها مظل
يسوي الحسا واسواقه .. خشوم له .. صويحبي بالحل
وخدود له براقه .. وجيد له .. شروى ريم جفل
منزهات أخلاقه .. من الخله .. وفي كل زايم يزل
الروح له مشتاقة .. وتتوله .. في كل زام يزل
باقي على ميثاقه .. واحفل له .. لين يوقف لاجل




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري