كوس المهب أسهرني = ما نلام لو ونيت
كم ريم سحرني=يا مطوع لو دريت
قلت الهوى ودرني=واثره مشيد بيت
وهذاك اللي شكرني=في الحمد ولا قريت
عالجتنى بالظني=ما يفيد لو داويت
عوقي صغار السني=لي نطقهن تثبيت
برضاي تملكني=وبما بغن سويت
ولو أنا بير وردني=وكلما انتزح يميت
ولو أنا صعب قادني=وعلى الكايد مشيت
ولو أنا عود رقني=وكلما لنت احتنيت
ولو أنا شناف شبكني=وعلى الصدوغ أوميت
ولو أنا كحال سحنني=وعلى الهدب قريت
ولو أنا مشخص شرني=وعلى الجيد التويت
ولو أنا ثوب البسني=وعلى النهد أضفيت
ولو أنا خضاب نقشني=وعلى الكفوف ازهيت
ولو أنا ختم حطني=وعلى الصبوع الجيت
ولو أنا حقب قاسني=وعلى المضمر لقيت




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري