يالله يا عالم خفيات لانسان=انت عالم والناس ما يعلموني
منك الفرج يا منجي كل غرقان=وانته مقدر كل شي يكوني
انظر لمن حاله بدا فيه نقصان=عايف منام الناس لي يرقدوني
يرعى نجوم تسري الليل باعيان=ويخفي ونينه لا الملا يسمعوني
والصبح يصبح دون عقل وبرهان=مثل الذى تلعب بعقله جنوني
من حب ناس "م" المخاليق خلان=ما آوو على حالي ولا يرحموني
وش حيلة اللي قضى اليوم غرضان=يالله حقق لي الرجا والظنوني
قضى ديونه " م" العرب كل ديان=مر الزمان ولا تقضت ديوني
حق غدى لي يالاجاويد مابان=عند اعرب وان جيتهم يبعدوني
ان قلت عدوان فلاهم بعدوان=صدقان لي لكنهم ينهبوني
لي من غدى لى عندهم حق ماهان=والافانا كل شي عندى يهوني
جاني على غرة من الود طوفان=خذني ورماني عند من يملكوني
تملكوني واغلقوا كل بيبان=دون المتاب ودون من يعذلوني
واصبحت انا مابين شبك وحيشان=وقيد الهوى بالرجل به قيدوني
مثل الوحش لي صيد من بعد ماكان=يختار فى روس العلا والقروني