عيني تغير نظرها=وحلمت إني كفيف
فزيت أبغي خبرها=من المنام مخيف
وصرت أتثاقل وزرها=تشوف لي ما شيف
يوم تناثص صبرها=ألحق فيها الذريف
وأنا الذي أجبرها =على الحمل الشظيف
راحت وأطول دهرها=لا ياس ولا سعيف
وأحمد رب سترها=بها أصبح لطيف
دار داير بحرها=داير عليها سيف
كم أتحمل ضررها =كله لأجل الوليف
هب وجاني شجرها=فل بداه الهيف
يسقي عاضد ثمرها=داوودي رضيف
لو يثمر من قطرها=م الكيف لين الكيف
تسوى عمان وتمرها=والبصرة والقطيف
وعمانات بكبرها=له في الوزنة خفيف
ليلة هجر ما أقدرها=كنه شتا ومصيف
يا طارشي قم زرها=على حايل كليف
ميتين يسون ثرها=من زينات الصفيف
قودا مثل شعرها =مرباها في غريف
الراعي ما قذرها=لا هو ولا الطنيف
ما شي يلحق جمرها=لو بتشيل الرديف
الله يسمح أمرها=هي مركوب الشريف
مرح جاب قصرها=كن خاطر ومضيف
واعطه ناجي عذرها=روح جداه تغيف
كانه يشكو هجرها=لا يسال حد كيف
نفسي ثابت فكرها=بالعرف والتصريف
كل الامور أقدرها =هينها والعنيف
وأخشع نايف خضرها=خشع قلب من ليف
وتنقى في غدرها=واختص بالتصريف
وعسى يسلم سفرها=دار بها التوصيف
لي ما تفنخ حظرها=ساقي ولا خريف
خليفة وهو سترها=راعي القدر لمنيف
وهو حامي قصرها=مرذي العدو بالسيف
أذرى به عن خطرها=وهو زبن المستخيف




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري