المطلعي لمطله =عن الهبايب غير
اتذكر المتوله=لو ناسي ومستخير
واللي مفارق خله=لازم عليه يحير
شروى مريض الغله=كل من يجيه يشير
وهوب من بغى يفطن له=عوقي واصور بخير
عوقي ما ينوصل له=في ليات الضمير
والكبد فيها عله=وكله شربي مرير
يا بن حمد ما دله=قم بي جداه نسير
رد الهجن بنشل له=قبل يجيله النذير
بشل له وباحتفل له=لو زلاته كثير
روس الأهداب مظله=شروى جوب الغدير




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري