هبل رقاله قوزي .. يا هونه .. شاف المشام بعيد
ونيت فرد وجوزي .. يا عونه .. هوب مطلبي بزهيد
يا بن سبت محجوزي .. يطرونه .. ما تولاه العبيد
ما ينتصر ويفوزي .. من بونه .. إلا الراي السديد
وليما يروم يهوزي .. في ديونه .. ما ينفع التسديد
قلبي غدى مفلوزي .. وظنونه .. ما جت على ما يريد
ماله مفر وخوزي .. وسجونه .. حديد هوب جريد
يا عاذليني عوزي .. من دونه .. أدري هلاك وكيد
وأنا بحري هرموزي .. لا تجونه .. ما قد نقص ويزيد
مريت يلن الموزي .. يشرونه .. وأنا خلي الإيد
وأنا عنه ما جوزي .. ومقرونه .. روحي معه في قيد
وقت مضى له روزي .. لي سونه .. يروف بي وب سعيد
يا ما جنيت اللوزي .. بغصونه .. وبي ما درى حسيد




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري