معلوم أني هافي=وأني نسل خدام
لكن ما اعطي جافي=عند ردود السلام
ولا سير في الأخلافي=في دخداخ الظلام
ولا قاطع العرافي=يوم يدور الكلام
ولا تابع الطفطافي=ولا كبر له مقام
ولا صد باللي شافي=واسعى له باحتشام
وقلبي ما هوب خوافي=يوم يحق الزحام
يوم الردي ينكافي=تشهد لي الأخصام
عندي معنى الأشرافي=ولا تصوخ النمام
واورد العد الصافي=يوم الركاب حيام
يالله عساه احقافي=الحاسد الظلام
تاح الكدر في الوافي=لي ميت من العام
شط وغدير صافي=ما داخله الأويام




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري