يا كوس يا لوابه=الليل ما بتيه
شرتاك شل حجابه=والغيم نثرتيه
قطعتي كم حدابه=والصبح إيلاك هنيه
خبر الذي نحيا به=وش فيك ما جبتيه
الروح في طلابه=لو يبتعد نرجيه
رجوى البدو سحابه=اللي الحيا تنشيه
لي يمرضنا بهدابه=ويشافينا حكيه
دونه تذكر مهابة=وشامخ جبل شرقيه
دار الهوى جلابه=بابني عريشي فيه
احرزه م الخيابه=الجاهل والسفيه
وعوقي أنا أولى به=ما بغي حد يداويه
أعرف ويش أسبابه=ولو الموت ما بطريه




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري