قصيدة ( أرقبت عدب نايف )
الشاعر : جويهر بن عبود

أرقبت عدب نايف=فيه الشرتا صفوق
وأن جا نعشي ومهايف=وغيض النكبا الحروق
يتمارن بالخطايف=غربي ومر شروق
يا بن حمد م العايف=شربي غبيث الذوق
قطع الضمير بهايف=غت وغتم بسروق
اتهرجع للولايف=شروى البكر الفروق
ولو شفت بما شايف=ما عشت يا بن طوق
شفت خدود رهايف=سون سنا وبروق
ما علم به خلايف=ولا دبيك السوق
لين أضكم بالصقايف=وياتي الأمر من فوق


قصيدة ( صبح كوس المصايف )
رد الشاعر : الشيخ محمد الشامسي

صبح كوس المصايف=عجاته بغبره
منهل من الشرايف=ولا شي يحيره
كنه دايس عنايف=والمدفون ظهره
وحشد المزن الرضايف=في ساعة نثره
شروى الحسود الزايف=كله شين خبره
يا ما غث العفايف=والطيب عثوره
عطيت أذنه حتايف=من يسمع منكره
يسلم زين الوصايف=لي يداري لشره
بين أريام الكفايف=فوادي تخيره
ولو شفت بما شايف=يا الخادم منحره
يسني تحت الغدايف=وابهى عن لبهره
شبه الغزال الخايف=عنقه ومضمره
مرضنه بالحلايف=وبالساني ما اشهره
لين تحط الصقايف=وتنقع لغبره




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري