لو لمتني يا لايم=لوم بلا مصروف
قاعد ومر قايم=وارجو المحب يطوف
كني لابس حرايم=بيت الكعبة واطوف
قلب يسومه سايم=ما حد به عروف
شروى قدر الولايم=عند النار محذوف
هب الغربي بنسايم=يصلب ومر يروف
في كل صبح دايم=على عدد ما اشوف
اتجلد بالعزايم=وادري بحالي تلوف
يوم يغضي كل نايم=كني دريك الخوف
ودمع عيوني همايم=مثل الذي ما غوف
بي من يزهو بوشايم=بو قصة وزلوف
غض نهوده زمايم=بالوقم قمط كفوف
وله وجنات نعايم=بروق سرت في قنوت
من حالي إلا الذمايم=باقي ولا معروف
لو خذ مني علايم=صار بحالي عطوف
وإلا تحمل عظايم=يوم الحشر ووقوف




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري