يا سحب يا منهله .. مبتله .. قبلك الأراض بيوم
جالس أحمس الدله .. في الظله .. عن حرات السموم
حكي الدليه أفطن له .. وابخن له .. واخفي عنه لعلوم
واللي شكى متوله .. وبه خله .. كيف يصطاب ويقوم
روحي تنوح مضله .. معتله .. من بو خصر مهضوم
لو لي سعة بختل له .. وبآشله .. على شد الكضوم
واللي يعرف العله .. يدله .. أعلاجها بمفهوم
يا قلب صبرك بالله .. في حله .. ورزقك ترى مقسوم
والثقل عنك خله .. خله .. لي عدت له ما تروم




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري