ثر خشر بن درويش خشر الذيبي=ساعة غزا صادف أولاد الذيبي
حل القضا في المعتدين وكاني=بالعزوة اللي الصخر منها ذيبي
يا الدرمكي هذا قضا بن فاضل=وش هو قولك لو بغيت تفاضل
وان سرت باتلقاه شي فاضل=من عزم رجل للعدا حريبي
هذي سبايب بوش بن دهدوهه=واللي سلم منها غدى دهدوهه
من العوق لي سوى حنين ودوهه=من ضرب عجلات الرصاص يشيبي
كم شردوا عن طاسة معيونه=قفوا وخلوا قروصهم معيونه
وكم الرخم مقر قميم عيونه=اللي غدى منهم وحد صيبي
وكم حرمة منهم تصيح حليلها=حرمت لذيذ النوم ما حلي لها
واللي يعاينها يقول أحليلها =خلت ملابسها ومس الطيبي
ضبعة غويل وضبع وادي حامي=جنك على حمو الطلوق الحامي
ومن فوقهم طير النساير حامي=وهذا صدق ما فيه من تكذيبي
وضبعة عييب وضبع وادي حتا=شم الفرايس واعتمد ريحتا
وياكل لحم ما بيعبر لو حتى=يكسل ولا ظني يقيم حبيبي
تحمد الدعداع والكعاشه=ويا غير يومه الآدمي ما عاشه
والله دعاهم للطيور معاشه=ما بين رقش وقعشمي وذيبي
تزبنوا في راس قرن عالي=واتشظفوا لهم كنهم الأوعالي
وهذا الجزى للي من أول عالي=وحل الفنا فيهم بحال تعيبي
اسميه بن حنظل كلامه تمه=اللي حذاني والعرب ملتمه
نفسه بفعل الطيبه مهتمه=عسى أن ذكره باقي ما يغيبي
واسميه بن حنظل خيار القومي=ويالله عسى حظه مديم يقومي
الي عطاني دوبي مرقومي=لو هبطه في السوق قرش يجيبي




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري