1
العد به من العامي=حمن ضرب العبد
شفته وشفى الأسقامي=حالي يا بن حمد
حتى رثيث عظامي=صحت عقب الجهد

2
يا قنديح الصرايا=يا نجمة المغباش
شوفك يروي الظمايا=لي من سنين عطاش

3
يعل الخشب لبساره=لي شلن بي عنه
بو حلقة وهجاره=أصبح خفي وطنه

4
ما ركبوهن سهاوي=إلا عرب وذفين
على فقرهن محاوي=جوخ ضربه قطين

5
لا تعجل يا طيبي=ما بي أعواق وسوم
بي من يعمل الطيبي=يحشى المفارق دوم
قلبي وخذه نهيبي=لي في سماه غيوم

6
يا سهلين الجنوبي=ياللي زفزاف
بردك تلا لجنوبي=لو له رضفت الحاف

7
خايف أنوي وآولي=من صاحبي وانساه
ويبدل في محلي=من خلان الدناه

8
يا عين بك ما اشوفي=الا جدى لمود
يعل الصبي ما غوفي=ان كان أطالع حد

9
جاني يصر بمداسه=لابس قرمز حرير
مفتاح قلبي حاسه=ترف الشباب صغير

10
آية يا من رماني=رمي الحفا لوق
بمنومل عطشاني=جذي يوم الدقوق

11
ليت بيوم القسايم=إليه ولبن حمد
له مد مدقوق الوشايم=ولي صفي الخد

12
عيني زايد هملها=ما وقفت من النف
على الهجر بدملها=كاده وزاها يخف

13
العنق مشروب فضه=مشراي بالألفين
يا سعد منهو حظه=طاح وغضى بالعين

14
حيدي قليل الثوره=بصبر يوم ابتليت
من شفت زين الصوره=لا قمت ولا مشيت

15
بت استصيخ الزاقر=لين استبان النور
وش عذركم في الخاطر=لا بن ولا سحور

16
غصنا البحر وأهواله=وحصاة الجندله
ما ينشد عن حاله =ياللي فارق هله

17
يا عين يا موغوفه =ما بسك من السهر
لو ما حوفه ولوفه=الغالي من البشر
ويومين لو ما اشوفه=كان القلب احتشر

18
عيني وجعها زادي=واتحراها رمد
ثرها على الأجوادي=تبكي يا بن حمد

19
اسمح لي في الزلايق=هوب قاري في سطر
وأن شفتني متضايق=لا جار ولا مقر

20
ما عوقي من الغبيبي=بيه فرقا الوليف
في محمل يجري بي=شي بلا تكليف

21
زقروا عليه يجينا=وإلا نجيه هناك
في البيت لي شرقينا=ولد العرب هذاك
يقتل وإلا يحيينا=وإلا نموت أشراك

22
باتوا علي جلوسا=ناس متنادمينن
وأنا قلبي حسوسا =وكن يا سامع فطين

23
يا بارد النسانسي=يالعريض البريد
ذكرتني ما ناسي=يوم اختليت وحيد
من بونهود أغطاسي=ما هضعن وليد

24
دنيا الرخا صفاقه=ما هي لحد ذخر
ياخذ منها وثاقه=ليما عنده خبر

25
ثيبني يا عماتي=كل معه سمطين
والعبد خيره ياتي=يلفيه من جنبين





المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري