يا راكب اللي هواها في مناكبها=مربوعة الراس ناقة كل ديقاني
ساعة تولم وفك العقل راكبها=تسهي سهي الفهد وإلا فشيهاني
دار المظامي بقلب الخف تجذبها=وأن درهمت به غدى في الأرض ريعاني
احفظ براها ورب العرش حاجبها=ومن عقب وضحك تبين دار ابن ثاني
منصاك شهم دروب البخل حاربها=بيت المكارم وملفى كل من عاني
منصاك حامد وبالك لا تجنبها=وتخصص النزل عنهم وين سكاني
سلم عليهم عدد ما هل ساكبها=ودق من السحب فيه البرق زفاني
يا الله يا الله يا عالم غوايبها=بالعون ما بي من الأشفاف قصراني
يا غير بي يلي كثرت نوايبها=أن ضاق صدري لفيت وجيت فرحاني
المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري
محرك البحث
عدد قراء القصيدة : 
تاريخ الإضافة : 
