يا مها وين الذي قلبي يوده=له غلا في القلب يتزايد وداده
سعد ابو من حط راسه والمخده=وخد من وده على خده وساده
صبريه وقف ووصل اليوم حده =ما غفى جفني ولا لذه رقاده
مشكله فى "البدع " لي سيره ورده=ولي تباه ابطيب ما تجي به عناده
من مسك حبل الغرام وزود شده=يصبر ولو مغرمه زاد ابتعاه
بالوفا والخير له مدي ومدّه=يعل يجمعنا الولي باحسن سعاده
طالبينك لي نريده ما ترده=فضلكم يا زين بيّن فى وكاده
ليلةٍ فى العمر لي ودي ووده=التقي وياه وتضفينا السعاده