لقيت الدار من بعد الحبايب=خليه باكيه وبها عجايب
وقفت ابها وانا حيران ساعه=ودمع العين من موقي صبايب
ألا يا دار بالله خبريني=عن المحبوب قولي وين غايب
تقول الدار عقبك غادروني=وخلوني لعيات الهبايب
وسافر من تود وحال دونه=بحر وبرور واخطار ومصايب
رجعت ابحسرتي واهموم صدري=وتقلاني من العبره لهايب
وهانا قد بليت بذي المصيبه=مصيبة حب والدنيا مصايب
وانا من قبل لاجي كان ظني=على هذا وظني كان صايب
الا يا الله لا تقطع رجا اللي=يسألك عن رجوع امحب غايب
عسى المحبوب يرجع بالسلامه=بحفظٍ منك ما تصيبه نوايب
محبٍ مالكٍ عقلي وروحي=وفي حبه رخيص العمر ذايب
يحلي بلولو البحرين صدره=وحنا العين حطه فى الروايب
عسى كل عام يا ديرة حبيبي=عليك ايصب هطال السحايب
لقيت الدار من بعد الحبايب=خليه باكيه وابها عجايب