يا الله عادل الحظ مال=يا عالم بالنفس لي جا زوالها
أنك تعقل اللي لها القلب جوال=في جوف يقرع ما درى ويش حالها
قلبي مع الجثلا دليه بالهبال=حافي وعريان وأنا في ظلالها
أخب وآشرف لها روس الأقذال=ومشقي نفسي وأدور أشلالها
يا ربها تاخذ من الفاطر أمثال=في الوقت الأمحق ما يكمل وشالها
يا زين وقفتها مع جثلة الجال=كل يطالع لونها واختيالها
ويا ما حلى وان فرعت قدم الأبهال=مثنيه يوم الحوير طرى لها
كن صوتها ربابة بيد شلال=بايد زقرتي على ما ما بغى لها
عليها من البرع تواصيف وامثال=حلو معنقها وضافي سبالها
كنها طموح خدرها منها جال=في يوم عيد وزاهيه في عدالها
ملبسه من الذهب غالي المال=وزميم بأغلى الثمن ينشرى لها
هذبك والله خزيرة الركب خيال=وأما النذل يوم النهم ما ينالها




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري