ترى الموميان يجبر العظم لي مكسور=لي عاد كسره ما بعد داخله غيبي
وأنا كسر عظمي ما كسيره خطير يثور=عصى بالحكومة ما اهتدوه الأطابيبي
وأنا لي شكيت الكسر ما قال لي ما جور=ولا قال ربك سالم من الأصاويبي
كسير العظام ولا كسير العظام يثور=ولا هوب لا حي ولا ميت وآغيبي
أنا ساهر يلين بين عمود النور=أخفي ونيني رب ما حد يدري بي
على بو نهود مثل بيض الولع مزبور=لو شبه لومي لقوا به جلاليبي
كل السبب من اللي يخلي العظام كسور=خصيم وعنده من قصار الأسابيبي
سميه يطرش للمشايخ برد خبور=من أول كلام اللي يخط المكاتيبي




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري