من البكا يا عيد ما ونن عيوني=من صلاة الصبح لي حزة مغيبه
والسبب منهو وصوله لي ديوني=حالف لا أجيه لو عيا قريبه
هشم صدري مثلما هشم الشنوني=فوق شد النضو لي صلف خبيبه
كل جرح له دوا يا غير كوني=لا نضح دمه ولا دله طبيبه
بو ثمان مالها بالوصف لوني=غير لي في الوزن غطاس يجيبه
بالشبه مثل البرد لي في المزوني=كامل بالزين وغزار غبيبه
أسمها يأمن به اللي به ديوني=ينقذ المطلوب لي لاقى طليبه
عود موز شب ما بين الفنوني=من ورا جدران مشرفة لهيبه




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري