اتجهنا في ضحى أنا ومدعوج العيون=اختلف واختف قلبي وهو الأول رزين
قلت أنا منك العفو قال وش جاك مغبون=قلت أنا حبك براني وحالي به عوين
طال بي هجره ومروني بدوه ظعون=قد غدى بالميز مني وبيحت الكنين
طالب من الله بدوان عربانه يجون=خدهم لي فيه يرعون عسى أنه يشين
يوم هد معكرش كاسي دمث المتون=فوق عود ريف النود لي هبه يلين
حالف لا اجوز منه ولا دونه بدون=دام برق الشامخة تستخيله كل عين
وحالف ما أنسى وداده ياللي تسمعون=ان رضيتوا ولو حزنتوا ترى ماني بحزين




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري