واحالي اللي راح والدمع نضاح=واحفى النظر واسمل جديد الهدومي
من اللي قلبي بهرجه وبامزاح=مالي جدى كود البكى والهمومي
يا طير ياللي في السما تكسر جناح=يا طويل يومك بالمشاريف تومي
بنشدك أنا يا طير ماني بمزاح=ربك ذكرت مولعين الوشومي
وطير خبر بالذي شاف بانصاح=ويقول قو الصبر فوق العزومي
عدي بهم في الغرب وتوردوا شلاح=قبل الشهر هذا بعشرين يومي
وهبت على أثرهم عواصيف لارياح=وقادوه طرشان الخطا بالعلومي
المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري
محرك البحث
عدد قراء القصيدة : 
تاريخ الإضافة : 
