من قال سكان فلا أنا بخوان=ومعاهدنه بالعهود ولله ما عيب
وان قال كانه قلت بشراه بأثمانه=ليته يجيني عندكم يا جلاليب
وان قال صندوق لي القلب محروق=لا سار في طيب ولا فيه تطريب
وان قال فنه قلت انا القلب كنه=كنه يقلى فوق جمر المشاهيب
وان قال رزة قلت انا القلب جزه=جزت معاليقه بليا تسابيب
وان قال بسة قلت يا زين مسه=يا زين مس الغر زين التعاجيب
وان قال ريله قلت يا عزتي له=عزى لقلب ناحل هوب في طيب
وان قال صباحي أنا الدمع نضاحي=شروات صفقي على شمخ النيب
وان قال دله قلت أن القلب تله=تلة يدا عيص يلي تله السيب
وان قال مجداف فأنا القلب ينلاف=شروات نبت في سموم اللواهيب
وان قال غصة قلت يا زين خصه=يا زين شوفه عقب غربة بتغريب
وان قال مياني قلت انا الموت جاني=قوموا رضفوا بالعود رضف على الجيب




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري