يون المشقى في تلايا الرقادي=لي عاد ماله ع المضانين مسطاه
أمسيت من الفرقا سليب الفوادي=شروى خلوج لها تدريف موياه
شروات لي خلت ولدها وتمادي=ولها على روس المشاريف ملعاه
يا ويل قلبي لي من الهز زادي=جذى مرادي عن متابيع الأشباه
شروات حلم الليل يطرحك وادي=تمسي خلي الإيد من كثر روياه
ناس مبشة يوم جتها العيادي=وأنا على نار الغضا لي موراه
من بو أهداب مثل حبل المسادي=ليمن جذابي يكسرن بي دعاياه
لي من خلق ما سمع صوت المنادي=ولا سار في الديرة لحاجة ومسعاة
ليت الحريدا تحتمل لشدادي=وتعرف مقصودي بغير المصاباه
بآزور من حبه قديم الوسادي=ياللي يرحب ساعة الهجن تنصاه
له في سويدا القلب مسكن برادي=بيني وبينه عامر الصدق تلقاه




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري