خذ م الزمان علومه=من دفتره واقراه
كل يوم لون بيومه=قيد ولا تنساه
حياتنا مبهومه=منهو يعرف أقصاه
ريح صرصر حسومه=كم هدمت مبناه
شلت ثمود وقومه=واصبح عفي مجراه
الظلم شومه وحومه=ما يربح لي شراه
لا تلبسون هدومه=لا يبلاكم بلاه
لقمة وهي مسمومه=لو أولها حلاه
محملك في جاهومه=ومدبر به هواه
واللي عقب في الخومه=لا يختلف مجراه
جزواه صاروا قومه=يتناهبون وياه
حكم العدل في يومه=عند الخالق جزاه
المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري
محرك البحث
عدد قراء القصيدة : 
تاريخ الإضافة : 
