البارحة يوم الخلايق نايمه=القلب في فكره يعد الجيل
ياخذ ويعطيني قياس غامض=وأختار أدنى ما يبين قليل
يفهم لها من كان فيها مجرب=ومن لا يطالع في جداه يعيل
الأول نطالع في تماثيل غيرنا=وما زان من فعل الجميل جميل
ثلاث في الدنيا من العز للفتى=يداري عليها الحي مداراة صميل
محافظة لعهود والصدق والنقى=والجار والخاطر والربيع نقيل
وإكرام ليمن جاك ضيف عاني=وبما تحوشه من قليل فضيل
إنفق ورب البيت كافل لك غيره=بالرزق متكفل عليك جليل
الأمثال نضربها لمن يعنى بها=الأهل العقول الفاهمين الجيل
دنياك لو راوتك لذة طيبها=لابد من يوم عليك تميل
زهاب خذلك من الحياة الفانية=ينفعك في يوم الوقوف طويل
الأيام ما دامت لاحد ماضي=عاد وثمود وأبرهة ذو الفيل
مرت عليهم والتهوا بأيامها=ظلة ولا فيها يدوم ظليل
زادك تعرفه يوم روحك عامل=لابد من عطنه وراها مقيل
إصفح وسامح للصديق وغيره=وإياك حقدان الصدور شعيل
في الناس من يرويك مودة ظاهر=وان شار عنك هناك فيك يهيل
ما في مراعاته يا غير النقايص=ويشم منك الطيب شمة خيل
إذا تعله منك كاس مودة=يظنها ماي وبرد ظليل
يفرح يلي من شاف غدرا لامع=شروات لال في زمان محيل
يجني ثمرها من خبيث وطيب=ما هوب بستان ثمرها هيل
صلاة ربي عد ما ناض بارق=على نبي للرسل تكميل




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري