قم يا نديبي فوق حيد معنا=من ديرة السيد إلى ذيك الأسياف
خصهم وبلغهم سلامين منا=بازكى التحية والسؤالات الأرضاف
سلام أحلى من لبن ما تمنى=وأخن من عطر على الخد ينداف
وأغض من شرتا الصبا يوم ذنا=وألذ من حكي المودين الأشراف
قلبي على فرقا المحبين ونا=ومن التوله صابه القلب رجاف
من طول فرقاكم جفا النوم عنا=واليوم جفن العين للنوم قد عاف
الله الأحد من حور دهر محنا=ومبسوط ظلمه للمساكين عساف
يا عمر كم من الليالي رمنا=وهذا حكمهن شان من قل الأنصاف
وحتى الليالي المثقلات وضعنا=بأحمالهن عقن على كل مغداف
كم ليلة مع ليلة ضحكنا=وبتنا على طيب الأناسات كيف
واليوم من عاداتهن صيحنا=تمضي الليالي والليالي بخلاف
الأول نقايس في منزل ضعنا=واليوم خفينا من الحمل وخفاف
أمهاتنا عقب الرضاع فطمنا=وادعن عيال البر لرضع مولاف
يوم المنازل والاهالي جفنا=شفنا الوسع عن قول حاسد وشاف
ومجاوزة الأيام مجرى سكنا=ويسدنا الهين من الستر والحاف
لا يحطنا الرماس مكسار فنا=وسط المبارز والمواشين وقاف
كم م الخطايا والقصاير دفنا=لا نود طاريها ولا عاد تنشاف
كله لعينا شيبة غاب عنا=هو سالم سالم من البغي خواف
أهل المقاصد للمقاصد تعنا=وراعي البغي والشين للشين ملقاف
بدعي عسى التوفيق ينصى وطنا=ويعيننا المولى على تبع الأنصاف
ختمت جيلي عد رعد يدنا=وعد ما هل المطر جود ونفاف
على نبي خصه الله عنا=وبعد ما لبوا على البيت طواف




المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري