صلب هوا الياهيه=هب ولفح م الياه
جاني على لبغيه=وبخاطري ملياه
يا طييبين النيه=ردوا وطر الهناه
عاني وابغي شفيه=منكم رمسة خفاه
بندب صوبه وصيه=خط عرب يقراه
أصفق أنا بيديه=وأصيح يا المنحاه
صياحي بالخفيه=في شفه ومعناه
كني فاعل جنيه=متوازي من وزاه
أبو عين دعيه=اللي الناظر دماه
أطلب رب البريه=يعطي الطالب هواه
كان بسوم وشريه=بما يبا بشراه
المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري
محرك البحث
عدد قراء القصيدة : 
تاريخ الإضافة : 
