الشاعر : حمد بن مايد المري
كان ارتخت لحزامه=بآتستوي حالات
باتتندم ندامه=وبتقول والعازات
آها يا خو الشهامه=في حزة الضيقات
توج وحط عمامه=واحذر عن الخلات
وترى طرق السلامه=في الحزم والهبات
والسيل إلا غمامه=والمطر وقته فات

الشاعر : سلطان بن سالم القاسمي
هذي السنه محتاسه=سنة جرب والحاس
قص السمر بالفاسه=ناوي يدوس خساس
حط لك يبر واحراسه=وازم صليب الراس

الشاعر : حمد بن مايد المري
الشيخ ضاع قياسه=خلا الحزم والباس
يا ريم يا مياسه=عنك اختلف لقياس
لي ما يقوي باسه=لزم عليه يداس
ولي ما يحط إحساسه=يانس وزا من الراس
الشيخة بالبلاسه=ومباشرة للناس

الشاعر : سلطان بن سالم القاسمي
يا ولد من ينعتها=قبل تهب الشمال
من جولات المشتا=لي يضيقون البال
من العام وأنت تحتها=خذت لنفسك وبال
فاتك لبن من حتا=لي تشربه لعيال

الشاعر : حمد بن مايد المري
وخذت عنه بالمتا=والملك عنه احتال
ناوي عليها يفتها=من العام في شوال
سباع هو سبتها=ضيق عليها البال
ردت على حيزتها=ترقص على الجمال
يا ما حلى ولمتها=دار حوت لعيال

الشاعر : حمد بن مايد المري
لحويل دار زينه=دار العذى من الذور
فيها كبير الشيمه=لي بالهدة يسور
وان جيت راس الخيمه=يلن فيها جور
ما تستاهل حشيمه=تبغي معدى من القور





المصدر : كتاب أعذب الألفاظ من ذاكرة الحفاظ
جمع وتحقيق حماد الخاطري