سقى الله ذا الجوين من وبل ماطر=عليهن غمامه حام سبع ليال
أسقى منازل كل عذرا عفيفة=جرى الما من رووس النفود وسال
عد المحاضر كلها ما خطاها=لين " الطرق " و " الماريه " وأمثال
وشرق تحده من الشمال البديعه=ويحددونه من الجنوب " دسال "
ولا زال يكبي في كل دار وطاها=إيجود بين الموردين وسال
وأخير ما خصوا بخص بومريخه=عليه حقبه حطت الأمثال
وحفر المعالم لحية خيرية=ما هو قول إلا وعليه خيال
أسقى منازل من له قول يفتخر=له المدح لا شك ولا جدال
اللي من الخفرات فيها نفيله=مسلوب الحشا والعنق عنق غزال
واثنيت للجوين لي قلت فيهن=اللى أعنيهن بأول الامثال
لولا حفايل من تبارك عليهن=ما قول فيهن من المديح مقال
حيث انهن قد زينن لي ليالي=ثم بدلن لي عقبها باليال
وهذي ليالي غبر ما هي بدايمه=ويبدل الله عقب ذلك الحال
يا هل المعروف اتززوا لي=من طرشة صارت علي وبال
يا ليتني ذا الدار صديت منها=ثم حلت منها يوم كل حال
اليوم منها لا ابدو ولا اعيد فيها=ولا ينشد مني ولا ينسال
ولا يسر الحال من سال عني=ويقول ما دري كيف عنه الحال
لو أنه يراني كان بيشوف حالي=حال أجرب حطوا عليه جلال
يوم الربيع أقبل عليه احتسو له=وحدوه من المرعى ومن الهجال
سلامي عليكم يا هل البيت هذا=سلام من سلم وخص وسال
وسلا من عقب التحية تحفي=يا داعج العينين كيف الحال
لا يا إله العرش زين زمانهم=وزدهم على ذاك العدال عدال
وأنا يا إلهي طالبن منك ليله=يصبح عليهم وبلها همال
استاسعوا في كل دار يبونها=لا خوف يقذرهم ولا زلزال
واللي قضيت أمري تراني صوبهم=إن راد الله بوصل على هذال
يا شبه سبع مرتمي له شواوي=ولا جاه الليل عس وفال
وأن قلت هذا لا عدم من حليله=أحسن نظر ما ريت وأم أعيال
إلا عديم الجنس قلبي يحبه=ولو يزول عقلي حب ذي ما زال
يحبها قلبي كما حب كاعب=أم لدي عذرا وبنت حلال
على طول ذا ما ريت فيها خصيله=وتستر ليا شافت علي خصال
ياوى والله كسب هذيك فوقها=ليت الله أقواني بزود حلال
لو ليت ينفع كان صدنا به الهمل=وشربنا به من غير السباخ زلال
ليت التعاون للقلوب المودة=وإلا ردود اللى يروح محال
لكن زين الصبر والله يرده=رب الملا في عزة وإجلال
ولي قال كان الذي لك توده=ثم جاك لا منه ولا بأموال
تصوخوا ما قلت وان جات عايله=خطير أن غيري في المثايل عال
عيلاتي إلا في العماهيج تستوى=هيهات ما اسمع دونه العذال
وجودي من الفخرات فيها نفيله=فزرا القطة وقرنها ميال
لي فلته يشدى على ذيل سباق=نطحها مصيح صوب نشر المال
ونهودها قعاد في جيب ثوبها=بيض تشادي صنعة الفنجال
وعين حجرها علة اللي نظرها=ما مثلها إلا علة السلال
من شافها قال أنها عين نادر=اللي على الرقطا خذ المرسال
إن مت حطوني على ورد ماهم=ان ما حصل لي عندهم نزال
يا دفانة المرحوم سمعوا وصاته=عن قول ما ندري نحن وش قال
وأنا دارى أن الموت نفسي زكاته=كما يا خذ العامل زكاة المال
من قلبي راكان ركز شلايله=ثم قال أبوها ابشر بها تعال
ساق العبية ثم طلب ما تبقى=خذها بشيمة من وجوه رجال
قال جيناك يا بو زيد طلاب حاجه=يا زين بوها ما حلا ما قال
يبشر فلاح بما هقى به باله=ما نحن فيكم طامعين حلال
لو كان أبوي مثل أبوه يسوي=لا صوم من هلال لين هلال
على ذا وأمان الله لأني صادق=لكنها من المعجزات محال
كما عجزت بقعا هل الوقت هذا=هذا زمان شيب الجهال
وأنا شاب عقلي يوم ما روم حيله=وعزي لمن مثلي ما يحتال
أشكوا عليكم يا وجوه الرفاقة=سدي فضى ما عاد فيه خيال
ألعوا كما يلعو على " نور " " جاسم "=وأعد مثل ما يعد أمثال
أفا عليكم لا تعينون شامت=ولا مثلكم يغدى على وبال
ولو ما الرجا فيكم فلا قلت هذا=لكنها يالعارفين سوال
إن قربتني ودي إني مقرب=وان باعدتني ماني بزعال
وأنا شرى البشكار لي في السفينة=عليه التركيب والنزال
أركب تماثيل جداد عجيبه=وأنزل اللي دارسه وسمال
لعيناك يا شمس الضحى يوم بانت=ولاجي عليها من الغمام ظلال
وهبيل من يتعب على مال غيره=ويندم يلي من حاز راعي المال
فإن كانها معهم فلا من ندامه=ولا بيني وبين الخيرين حلال
أندم يلي من حازها حظ غيري=وخلوا على كبدي يهيل ملال
شروات من مل الشواه الطرية=اللي ضباها لين ماها سال
هذا وصلى الله على محمد=أعداد ما عد الفهيم وقال