بن سبيع قال في رد الأخبار=بيت شعر بين هوب مختور
إن كتمت إما جرى مني وصار=بذنبي والعمر قافيه الثبور
وان قضيت إما جرى مني وصار=قالوا العراف هذا ما يصور
وأعلمن إن الود جا بين الغمار=والبنى البيض هياف الخصور
مثل ما شمس سطت في كل دار=كل دار حققت فيها الظهور
وان سفتك البيض كاسات المرار=جاك يرقا في الهوا مثل الصقور
الحذر من بو نهيدات صغار=لي صويبه ما تجبر له كسور
ذاك ياللي حط في قلبي وقار=والله ما يبرى إلى يوم النشور
آه أنا ونيت من قل إعتبار=والليالي صبرتني بالصبور
صبرت عبد الرحيم من المزار=بايزور مناه ما خلي يزور
مثل ما صبر صبرته من المزار=وسافرت بأزواج في بحر الثبور
الحذر يا فاهمين في الحذر=الحذر من جا لهايفة الخصور
واعلم إن زارها خطي القرار=وعلقت كبده بمالحة الذرور
من عشقها ما ذكر جنة ونار=وإن له في الأخرة زوجات حور
تنصب لك الموت في الأرض القرار=وفي السما العالي تطير له طيور
با تجيب اللي عشقها وين سار=لو يعبر في الجواري والبحور
هي عمار القلب لي ما له عمار=لي غدا جذع ذوت فيه النخور
لي محت بقعا غصونه من الخضار=والاطبا ضيعت فيه القصور
صار مثل الدار لي جتها الأمطار=كل ما فيها غدى نبته نشور
وألف صلى الله على راعي المزار=سيدي اللي ما يزوره ما يزور