هي والله اللي تشوق العين ريناها =والزين ريناه كله في مذاهبها
نبنوبة في العرب ما ريت شرواها=سبحانه اللي عطاها الزين وادبها
يسلب نظرها نظر من صد جدواها=كن عينها راعي الكهرب مكهربها
والموت مكتوب يمناها ويسراها=وان أقبلت بآتشوفه عند حاجبها
والزين مكتوب يمناها ويسراها=لازم على من نظرها ما يغايبها
يا مهرة عادها ما لحقت مناها=لكنها بنت وذنا سعد راكبها
لو ِإن وليها يطيع أن كان قدناها=لي بايعين كودها يا سعد أبوه إبها
يا بخت من كادها من قبل فرقاها=قدام الايام لا تكبر مصابيها
قال العتيبي على انه عارف أقصاها=جربت الايام مثلي من يجربها
نحن بعد اليوم جربنا عرفناها=قلنا عسى الله يكفينا عواقبها
وهي بعد والله ما حد بيكفاها=لكنها اليوم لعبت بي لعايبها
ياما لعبنا بعض الايام هو وياها=والحين منها الخطر مست مخالبها
كنه بيلعب عديم الجنس هو ياها=على نظره بعد ما جال الثمان إبها
إما نحن قد شيعنا من مزاياها=ولا تساير ركايبنا ركايبها
لكنها لي بغت لو ما بغيناها=حشا على الله ما نقدر نعاتبها