يا عون ياللي جاب زين التصاوير=اللي جلبها صوب سوق القرايا
شليتها ماني براعي تفاشير=ولا نيب في ربعى كثير الخطايا
أبغي من الوالي ومن شلها خير=وحق عرب قدهم علينا طنايا
أبغي يلي عادن شرات البواكير=اربط علمها في كبار الجثايا
علي أن أثبت علمها بتقدير=وهي عليها مسرعات المنايا
بارودها شروات بيض العصافير=صافي حديد جات عند الولايا
تخيروا من مثلها يا مناعير=يرخص عليها المال لو هي غلايا
لي ما نقل من مثلها ما معه خير=يا هل الهوى لي تعشقون الصبايا
قحمت بها ماني براعي تفاشير=فعل عليه شهود ما هو حكايا
نهبت ابن نابت من بين المناعير=وهو قد حامت عليه المنايا
لعيون من عيت عليه الحجاجير=مجدل العقصين صافي الثنايا