قصيدة ( قمت أفتكر في الزين وانظر )
الشاعر : سعيد بن سرور الزروعي

قمت افتكر في الزين وانظر=حال نظري واختل يا سيد
صديت وبلا دانة البر=ترجح ولو بالشله تزيد
والله لو ثار وتخطر=يلا نهود له مقاعيد
ليمن تمايل نوره أسفر=جر الغشا من عالي الجيد
مليطم له حلو وأنور=ولا في كلامي قلت تزيد
أحمد رب البيت وافكر=ياللي يخلق الآدمي صيد
ان شافه القنيص ثور=لو ما خدوده والمساويد
وراس ثليل أسمر تحدر=على المضامر لي مقاليد
يا من شكى منه وتأثر=وغير الحسايف ما جنى فيد
قم يانديبي كانك تسر=وينه نديمك غادي وحيد
من موق عيني دمعي يخر=ولا لي إلا راشد بن حميد
كانه لمشكايه تعذر=عزات فرحوابي حساسيد


قصيدة ( عزى لقلب صار متضر )
رد الشاعر : راشد بن حميد بن درويش المزروعي

عزى لقلب صار متضر=موجوع ما بين الأساويد
يمناك تصفق كف لايسر=وعينك تطالع شرق يا سعيد
ان سلتني عن دانة البر=أربع ولو في الشلة تزيد
يربح الشاري ومر يخسر=ومره يحصل قمطه الإيد
لي من نظرة الغر الأشقر=لي بالعيان يخز ويعيد
منصوف عوده م المضمر=ومزموم ونهوده مقاليد
ريح نسمه كالمسك الأذفر=منعوت واشفى للمجاهيد
كانه بخص حالك تصبر=لابد لك من يوم سعيد
ها الحين وإلا يوم لبشر=والا بنظرة في ضحى العيد