يا بو ميد أثنيت جيل=غرب وشمال ومطلعي
عاينت براق شعيل=على الجزيرة بنتحي
ع الزين لي ماله مثيل=في دارنا ماله وبي
يسوى المنازل والنخيل=دبا وما حاز الجري
ثابت وله عقب ثقيل=ما هزفه كثر الحكي
مظهور عن جمل الضويل=يكة ودانة منتقي
لا حجاج كنه خط نيل=والخشم سيف مجتلي
راسه على متونه ثليل=على المضامر ملتوي
ضامر وله خصر نحيل=معزل شروى الدبي
وان ثار في ظلما وليل=يشع نوره ويعشي
تقول " بجلي " فوق غيل=يسفر المخزن والحوي
لي من رمس كنه خجيل=يبسم شرات المستحي
آزمت من شوفه عطيل=لا طيق حس ولا مشي