ياللي تبدي بالنشيد=يبدع بقول من حشاه
أسمع بطاري بن سعيد=واليوم ريته ملتقاه
ريته يرحب من بعيد=من الخيارة والسخاة
واللي رمس فيه بوكيد=المدح ودروب الوفاه
أيام وقته دوم عيد=يا رب تعطيه البهاة
بو مضمر يلقى بالإيد=نابي فقارة والقطاة
ليه شبر ولا يزيد=ومعزله كلها عضاه
راسه على متونه هديد=وأن ثار لو عالي كساه
أحيوا بياته من وبيد=هذي السنة جتها حياه
يردنها عراض العديد=غزل منقش في سداه
عزاب فيهن والعبيد=ما كضفوهن بالولاه
اللي تكد ولي رغيد=سمنت وزادت بالملاه
كم حايل فيهن سديد=وتشد للراكب عصاه
يفرجن هم الضديد=ويبلغنه منتهاه