انا ونّيت والخاطر تكسر=من الفرقا وليعات الزماني
محبي بعد حبه لي تنكر=وش اسباب الزعل اوّل وثاني
بدى الهجران مثل الشمس يظهر=وما ينوي حبيبي ما خفاني
الله اكبر على من هو تكبر=قسى قلبه ومن عطفه نساني
قطع حبلي وعنه الطير خبر=وهان الود عنده والمعاني
صبر قلبه وقلبي ما تصبر=يخيله في الدقايق والثواني
ابو عقصٍ على المضمر تحدّر=وعودٍ مثل عود الخيزراني
وخدٍّ مثل خد الريم وانور=وعنقٍ مثلما عنق الدماني
احبه من صميم القلب واكثر=رفيع القدر عندي ما يهاني
ولكن ويش بيدي فى المقدر=رضيت بما كِتب والله عطاني
كذا راعي الهوى يربح ويخسر=وما جت به ليالي السعد فاني
إذا زرعي بخل ما عاد يثمر=فكيف اسقيه بالسبع السواني ؟!