يا هبوب الكوس يا الزينه=لي هبوبك دوم ذنانه
أنتي الراقد تهنينه=بالمنام وغضة أعيانه
إلا أنا في حال شينه=خاطري مختل ميزانه
ما عرفته كيف تيمينه=تشتعل في الجوف نيرانه
وان كتبتي الخط تعنينه=خبريني وين عنوانه
كود من الأول تعرفينه=وين داره وين عربانه
صاحبي صوبني بعينه=ونقعن في الصدر تفقانه
وقمت أشوف الواحد اثنينه=من وحاشة شوف فرسانه
والجيوش اللي مبارينه=والحرس يمشون في شانه
كلهم في أمره مطيعينه=بين خياله وهجانه
هو دعى لي نفس رهينه=في هواه ودوم تعبانه
ما رحمني هانني هينه=هينة اللي هدم بنيانه
أو شرات اللي زرع تينه=وأصبحت في الغب عطشانه
والفلج لي لها مسوينه=قل ماه ويبس بستانه
وارتضف ديني على دينه=وأصبحوا الحسود شتانه
وان شكى ماله من يعينه=غير رب العرش سبحانه
لي خلق آدم من الطينه=واخرجه من روضة اجنانه
ما تلام النفس مسكينه=يوم طاوع شور شيطانه
والهوى ربعي مخلينه=الا أنا هايم بوديانه
اتبع الزين ومظاعينه=ما عنه ردة وتركانه
هينيه حنت على هينه=ما تقيل دون معطانه