اشهد ان "الدوج "(1) سيره بالتماني
ما يكلف راكبه من روف سيره

وارده ما فيه من عالي وداني
كون لي ما حط "ليور"(2) عند قيره

ان مشى بالعجل والا بالهواني
يقطع الابعاد لي من شام ديره

يقرب اللي دونهم حايل طماني
والزميم اللي علابيها كبيره

نصّنا يا عبيد مجلي الثماني
لي تراحيبه يلي جينا كثيره

كل شوف عقب شوفه ما هناني
يا عذاب القلب من فرقا عشيره

لح قلبي لح مشدود الثماني
بين حفّان مراقيها عسيره

وصرم قلبي صرم غرب من سواني
صرم حبله وانثنى في جال بيره

من هوى اللي في معاليقي رماني
رمية صارت على قلبي خطيره

أريش العينين هرجه مطرباني
له نهودٍ ناعمه قدها صغيره

اشهد انه ما وزاه اللي وزاني
مستريح وما درى عن حال غيره





(1) الدوج : نوع من انواع السيارات
(2) ليور : عصا حديدية تستخدم في المساعدة على فك الاطارات