قيل هبوب بريح ذنان=بقدومكم يا هل المواجيب
دبي وإلا جا من عمان=كل يلبي له بترحيب
كلهم قرايب شف واخوان=ما حد فيهم من الأجانيب
رحب بهم قلب شرغان=ومسنع الاشياء بترتيب
لي ما تكدر وجهه وشان=ولا قال هذا شي صعيب
مقيلهم في ظل عيدان =ما كضهم حر اللواهيب
الزل ياللي غالي أثمان=فيه أبرزن سيد الرعابيب
وعلى الصياني حطوا سمان=ودلال بن تعمل بطيب
وتفرجن زينات الأعيان=لي ما بداهن عارض الشيب
وتوادعوا وقت المسيان=وعلى الوعد كانوا أصاحيب
لكن أنا قيلت خسران=وهذا من الباري تكاتيب