هاض ما بي وأنته أسبابي=يا حسين اللون والهايه
مستهين وجاحد مابي=ونور خدك بيح أصايه
يوم شفتك من ورا البابي=ابتهت وبادت عضايه
روف بي يا تلع الأرقابي=وارحم النفس المشقايه
برفع الشكوى لقرابي=اشتكي وادور حمايه
يا شعرا المجلس يالأصحابي=اسمعوا قولي وملوايه
في المودة عارضي شابي=ومن أسباب الزين بلوايه
من فضلكم حلوا أنشابي=واحكموا وعطوني الغايه
مطلبي من نسل الأنجابي=لي على الخاطر ومنوايه
بالتحية من ورا البابي=السلام ومنهم كفايه
كاد حالي منه ينثابي=يوم اشوفه زين لغشايه