من كثر ما يقلاني الشوق=لشوف خلان لي أصداق
حالي غدى من الحال مسروق=حال الذي به كثرت أعواق
كحال الأراطي وقت لعقوق=أو حال تين بسمط الأوراق
لا طيب نوم ولا يهني ذوق=وفي القلب هاجوس ودقاق
أشكي ولا أشاكي المخلوق=يا غير خلاقي الرزاق
صابر عسى في صبري رزوق=والله يهيي لي التوافاق
مع الشريك اللطف لخلوق=وتكون ربعتنا لها مذاق
يا الله يا منصف بالحقوق=تجيب في دعايه يا رزاق
من حيث لأني عشت مفروق=فراق لي ساكن المعلاق
ياما بكيت وهل ع الموق=دمع من العينين دفاق
هيهات في اللي فات ملحوق=والماي من ينكب ما يذاق
ظامي وماي الغيل ما ذوق=وماي النهر يحيي لي أعراق
ولا تنجع بيه كل لبروق=ولا يهزفنيه كل خقاق
أنصى العدود ومنزلي فوق=وضوي سمر ما حطب دقداق