الأمر جاني وهوب ودي=أمر م القايد تسيروا به
قلت وين السير يا جندي=قالوا : التمرين وتعوبه
قلت : كم يوم بالعدي=قالوا : اثمن تعش محسوبه
قلت : آه وآه هوب ودي=ويل قلب ذكر محبوبه
ليتهم يوم مالهم بدي=رتبوا تمرينيه صوبه
صوب لي لد الحشا لدي=لد لي بالسير متعوبه
وظهروا من بوظبي جدي=شرق مطلع شمس ناحوا به
وابتدوا من فوز بالشدي=وفوز بو رمرامه أمسوا به
واغدفوا ع الغاف لمسدي=غاف مدسوس هووا صوبه
واسندوا ع رماح بالجدي=وسيرهم ما عاد رافوا به
لين طاح السيح واحتدي=وسيح بو سمرة ارتاحوا به
ساعتين وقالوا يسدي=ما علينا كضة تعوبه
قوم حث السير يا مقدي=وين درب الساد طوفوا به
اليحر يومين بنردي=به خضار أشكال وعجوبه
فيه ساكن صافي الخدي=لي على جوب الدمن جوبه
وعقب ذا اليومين بنردي=والمخيم بركز طنوبه
من شمالي الجيمي أودي=لو المناوي تقضي النوبه
ديرتي ومخلف الجدي=غاليه عندي ومحبوبه
لو عطوني الهند والسندي=والبحر لمحيط زادوا به
لا حشا والله ما بدي=قلت قول ما به كذوبه