يا مريح الحال عن حالي=حاليه في نار وقيده
تشتعل يوم الملا اذهالي=كنها ضيان كديده
وانت تعذلني عن الغالي=كف عذلك مول ما أريده
لا تعذلني مالك ومالي=في العذل ماشي لك فيده
مستريح وخالي البالي=ولا تعرف ما بي ولا تحيده
بي أنا هم وغربالي=ويل قلبي من مواديده
صادني بو عود ميالي=بالهوى وأصبحت في قيده
بو عيون سود وأثلالي=سمر حجاته معاقيده
من الرمك ياخذ له أمثالي=والدماني مأخذ جيده
مالي الساقين هوب خالي=والحجل ثابت على إيده
وساعد إيده غيض فحالي=والروايب كلها سيده
تم قولي فيك يا غالي=وعشت يعل أيامك سعيده
محرك البحث
عدد قراء القصيدة : 
تاريخ الإضافة : 
